Share This
  •  
  •  
  •  
  •  
  •  

ዛሬ ስለ ኢትዮጵያ እናወራለን።

ይህቺን ገናና ሀገር አፈር ትቢያዋን አራግፈው ከመከፋፈል ያወጧትን፤

‘ ኢትዮጵያ ‘ የሚለውን ገናና ስሟን ዳግም በክብር የተከሉላትን አፄ ቴዎድሮስ ስም አንስተን እናሞግሳለን።

ግብጽን ቱርክን ደርቡሽን ጣሊያንን መክተው የአፄ ቴውድሮስን ህልም የቀጠሉትን

ለሀገር ክብር ሲል አንገታቸውን የተሰዉትን ታላቅ ሰው አፄ ዮሐንስን ስም አንስተን እናሞግሳለን።

ከደግነታቸው ብዛት እምዬ የተባሉትን፤ ኢትዮጵያዊያንን ለአንድ አላማ ማሰለፍ የቻሉትን፤

የጣሊያንን ጦር በዓድዋ ፍርክስክሱን ያወጡትን፤ የኢትዮጵያን ዳር ድንበር በክብር ያገዘፉትን፤ አፄ ምኒልክ ስም አንስተን እናሞግሳለን።

እኒህ ሶስቱ እርስ በርሳቸው ራዕይ ቢናጠቁ፤ እኒህ ሶስቱ እርስ በርሳቸው መንገድ ቢተላለፉ፤ ስለ “ኢትዮጵያ እና ኢትዮጵያዊነት” ግን አላማቸው አንድ ነው።

ቴዎድሮስ የተከሉት ምሶሶ ላይ ዮሐንስ ማገሩን ሲሰሩ፤ ምኒልክ ደግሞ ጣራውን ተክለው አንድ ሀገር በቅብብሎሽ ያስረከቡን ዋልታዎቻችን ናቸው።

የሚቀጥሉትን ንግግሮቻቸውን ልብ ብለው ያንብቡ፦

“… ናፖሊዮ ራሱን ትልቅ አድርጎ ያይ ይሆናል። እኔ ግን ዛሬም ታላቅ ነኝ። እሱ በቅርብ አመታት የተጎናጸፋቸው ድሎች ይሆናል ታላቅ ያደረጉት። የእኔ ግን ታላቅነት ከጥንት… የሚነሳ ታሪክ፤ ገናና ሀገር ያለኝ መሆኔን ሊያውቅ ይገባል።” –  አፄ ቴዎድሮስ

 

“… የኢትዮጵያ ልጅ ሆይ ልብ አድርገህ ተመልከት፤ ኢትዮጵያ የተባለችው አንደኛ እናትህ ናት። ሁለተኛ ክብርህ ናት። ሶስተኛም ሚስትህ ናት። አራተኛም ልጅህ ናት። አምስተኛም መቃብርህ ናት። እንግዲህ የእናት ፍቅር፣ የዘውድ ክብር፣ የሚስት ደግነት፣ የልጅ ደስታ፣ የመቃብር ከታቲነት እንዲህ መሆኑን አውቀህ ተነሳ።”  – አፄ ዮሐንስ 4ኛ

 

“… እናንተ አንድ ልብ ከሆናችሁ፤ እናንተ በምቀኝነት እርስ በርሳችሁ ተዋግታችሁ ካላለቃችሁ በቀር አገራችንን ኢትዮጵያን ለሌላ ለባዕድ አትሰጧትም። ክፉም ነገር አገራችንን አያገኛትም። ነፋስ እንዳይገባባችሁ በያላችሁበት ሀገራችሁን በርትታችሁ ጠብቁ። ወንድሜ ወንድሜ እየተባባላችሁ ተደጋገፉ።…”  – ዳግማዊ አፄ ምኒልክ

 

የሀገሬ ሰው ሆይ! በእኒህ በሦስቱ ስም ይዤሀለሁ፤ ኢትዮጵያን ብቻ አስቀድመህ አስብ ሌላው ትርፍ ነው።

 👍👍👍

#ኢትዮጵያዊነት_ይለምልም!!

የሚሊየነሮች አባባል

Check Out Our Shop – Click Here


Share This
  •  
  •  
  •  
  •  
  •  
  •  
  •  
  •  
  •  
  •  
  •  
Categories: Poetry

Leave a Reply

X